កក្រៅពីហង្ស ដែលបានបង្ហាញរូបរាងនៅតាមសំណង់សក្ការៈព្រហ្មញ្ញសាសនា យេីងក៏ឃេីញមានចម្លាក់នៅ តាមទីវត្ដអារ៉ាមព្រះពុទ្ធសាសនាដែរ ដូចជានៅលើបង្គោលទង់សាសនា ដែលមានទីតាំងនៅពីមុខព្រះវិហារវត្ត។ ហង្សខ្លះត្រូវបានតុបតែងជាគ្រឿងលំអនៅតាមរងស្បូវដំបូលព្រះវិហារ ជាមួយនឹងកណ្តឹងលាន់ស្នូររងំ។ ហង្ស ក៏ត្រូវបានគេយកទៅគូរលើលើកន្សែងយ័ន្ថ ឬឆ្លាក់លើខ្លួនមនុស្ស លាយជាមួយមន្តអាគមគាថា ដែលមានតាំងពីបរមបុរាណមករហូតដល់សព្វថ្ងៃ។ កន្លងទៅថ្មីនេះ រថយន្ដដង្ហែរព្រះបរមសពព្រះករុណាព្រះបរមរតនកោដ្ឋព្រះនរេាត្ដមសីហនុព្រះវររាជបិតាឯករាជ្យ និង បូរណភាពទឹកដី និងឯកភាពជាតិខ្មែរ ត្រូវបានតុបតែងរចនាលំអជារូបរាជហង្ស។ ទន្ទឹមនឹងនេះក៏រថដង្ហែរសពថ្នាក់ដឹកនាំជាន់ខ្ពស់នៃប្រទេសជាតិក៏មានរចនាតុបតែងជារូបហង្សទៅតាមកំរិតយសសក្តិផងដែរ។
បម្លែងពីជំនឿដែលទាក់ទងទៅនឹងសាសនា សត្វហង្សក៏ត្រូវបានយកទៅរចនានៅលើលុយ ឬរូបិយប័ណ្ណ ដែលជាស្ពានដោះដូរពីវត្ថុមួយទៅវត្ថុមួយទៀត ពីផលិតផលមួយ ទៅផលិតផលមួយទៀត និងជាសេវាបំរេីការ ដ៏ងាយស្រួលនៅគ្រប់ទីកន្លែង តាមសេចក្ដីត្រូវការរបស់មនុស្ស។ ហង្ស ក៏ត្រូវបានគេឃេីញមាននៅសម័យនគរភ្នំ ឬហ្វូណន។ ហើយក្នុងសម័យនោះដែរ ក៏ឃើញមាននៅលេីត្រារាងបួនជ្រុងទ្រវែង។ ប្រាក់រូបហង្សនេះក៏ឃើញមានជាហូរហែររហូតដល់សម័យកាលក្រោយមកទៀត ពិសេសក្នុងសម័យសង្គមរាស្រ្តនិយម។ ក្រៅពីមាននៅលើរូបិយប័ណ្ណ ស្ថាប័ន ក្រសួងសេដ្ឋកិច្ចនិងហិរញ្ញវត្ថុ បានទទួលយករូបភាពហង្សនេះ មកធ្វេីជានិមិត្ដសញ្ញា។ ជាមួយនឹងការរកឃើញមានជារូបភាពចម្លាក់ឬជារូបភាពគំនូរ ក៏មានរឿងនិទានទាក់ទងនឹងហង្ស ដូចជារឿងសុវណ្ណហង្ស, រឿងហង្សនិងក្អែក ជាដើម។
|
| រថរាជហង្សដង្ហែរព្រះបរមសពព្រះករុណាព្រះបរមរតនកោដ្ឋ
|
|
| កាក់ខ្មែរនាឆ្នាំ ១៩៥៣
|
|
| និមិត្តសញ្ញារបស់ក្រសួងសេដ្ឋកិច្ច និង ហិរញ្ញវត្ថុ
|
អត្ថបទ “ជំនឿទាក់ទងនឹងសត្វ”៖
មតិ